DEDDF TROSEDD AC ANRHEFN 1998

Mae’r Ddeddf hon yn rhoi dyletswydd statudol ar bartneriaethau lleol i ddatblygu strategaethau i ymdrin â digwyddiadau cam-drin yn y cartref a’u lleihau. Mae’r adran hon yn galluogi ynadon i gyflwyno gorchymyn ymddygiad gwrthgymdeithasol (ASBO) yn erbyn unrhyw un sydd wedi ymddwyn mewn modd gwrthgymdeithasol.

Diffinnir ymddygiad gwrthgymdeithasol fel ymddygiad sydd wedi achosi neu sy’n debygol o achosi aflonyddwch, ofn neu drallod i un person neu fwy nad ydynt yn yr un cartref a’r hunan. Gallai ynadon gyflwyno ASBO os profir bod y cyflawnydd wedi ymddwyn mewn modd gwrthgymdeithasol ac mae gorchymyn yn angenrheidiol i ddiogelu pobl yn yr ardal lle cyflawnwyd yr ymddygiad gwrthgymdeithasol.

Os bydd yr achos yn erbyn y cyflawnydd yn llwyddiannus, bydd ef yn derbyn ASBO yn ei wahardd rhag gwneud pethau penodol i atal ymddygiad gwrthgymdeithasol pellach. Mae gorchymyn o’r fath yn debygol o gynnwys ei wahardd rhag mynd i ardaloedd penodol neu fynd at unigolion perthnasol.

Mae’n drosedd torri telerau ASBO heb esgus rhesymol, a’r gosb yw dirwy a/neu garchar am 6 mis os clywir yr achos yn y Llys Ynadon a dirwy a/neu garchar am hyd at bum mlynedd os clywir yr achos yn Llys y Goron.