Mae cam-drin ariannol yn digwydd rhwng dau oedolyn lle ceir cyd-ddibyniaeth ariannol. Ceir llawer o ffurfiau o gam-drin ariannol, o wrthod rhoi mynediad at arian i roi’r holl gyfrifoldeb ariannol arnoch chi tra ei fod ef yn anghyfrifol gydag arian.  Mae’r camdriniwr yn defnyddio arian i reoli’r dioddefwr ymhellach, gan naill ai sicrhau ei dibyniaeth ariannol arno ef neu drwy roi’r cyfrifoldeb o gadw to uwch ben y teulu i’r dioddefwr ac amau eich gallu i wneud hynny neu eich rhwystro ar yr un pryd.

Gall cam-drin ariannol gynnwys:

·        eich atal rhag cael neu gadw swydd

·        gwrthod rhoi digon o arian i chi i gadw’r tŷ

·        eich gorfodi i gyfrif am bob ceiniog a wariwyd

·        gwrthod rhoi mynediad at lyfr sieciau/cyfrif/arian

·        rhoi pob bil yn eich enw chi

·        bygwth eich gorfodi o’r tŷ gan eich gwneud yn ddigartref ac yn anghenus

·        cadw gwybodaeth oddi wrthych am fudd-daliadau lles

·        mynnu cael eich sieciau cyflog

·        gwario’r arian a neilltuwyd ar gyfer biliau/bwyd arno ef ei hun

·        eich gorfodi i gardota neu gyflawni troseddau am arian

·        gwario Budd-dâl Plant arno ef ei hun

·        eich rhwystro rhag gwario arian sydd ar gael arnoch chi eich hun neu’r plant

·        eich gorfodi i ildio eich cynilion

·        bod ef ei hun ddim yn gweithio ond yn eich gorfodi chi i weithio er mwyn talu am bopeth

Gall cam-drin ariannol gael effaith ddifrifol a thymor hir ar fenywod a phlant sy’n ei ddioddef.  Gall menywod a phlant fod yn gaeth i gylch o dlodi, gallant ddioddef o salwch corfforol a seicolegol, unigedd a theimlo nad ydynt yn gallu dianc rhag y berthynas gamdriniol.

I gael rhagor o wybodaeth am gam-drin ariannol, ewch i wefan YWCA  

Cewch lawrlwytho taflen y Swyddfa Gartref ‘Domestic violence – financial control, emotional abuse’ (taflen) neu ewch i wefan y Swyddfa Gartref

Os ydych yn dioddef cam-drin ariannol, neu gam-drin domestig o unrhyw fath, cysylltwch â Llinell Gymorth Cam-drin Domestig Cymru ar 0808 80 10 800.